Konferenca vjetore që trajton të gjitha aspektet e digjitalizimit është gati për edicionin e saj të 15-të, i 7-ti në Tiranë, Shqipëri. Me një qasje të re të përqendruar në tregjet rajonale, është e rëndësishme që bizneset dhe shoqëria të përballen me temat e digjitalizimit, pasi ato tani janë thelbësore për punën dhe jetën tonë.
Ngjarja do të bashkojë ekspertë nga fusha të ndryshme si komunikimi, marketingu dhe teknologjia, duke pasur një ndikim të rëndësishëm në ekonominë e tregut digjital.
“Eksperienca jonë tregon se investimi në mjete dhe kanale digjitale është i domosdoshëm për zhvillimin dhe konkurrencën e kompanive dhe organizatave. Prandaj, fokusi ynë në marketingun digjital, digitalizim dhe transformim të biznesit ishte zgjedhja e duhur për qasjen e AllWeb të orientuar drejt të ardhmes,” shprehet Gerti Boshnjaku, bashkëorganizator i konferencës.
AllWeb vazhdon të tejkalojë pritshmëritë çdo vit, duke bërë një ndikim të fortë në marketingun digjital në Shqipëri dhe rajon, si dhe në skenën e inovacionit dhe biznesit. Edicioni i këtij viti do të ofrojë përmbajtje cilësore nga folës ndërkombëtarë, rajonalë dhe lokalë.
Më 7 Nëntor, skena e AllWeb do të mirëpresë më shumë se 10 folës nga vende si Britania e Madhe, Danimarka, Austria, si dhe nga Bosnja, Shqipëria, Maqedonia etj. “Temë kryesore për këtë vit është AI, e cila udhëheq transformimin e marketingut dhe ndihmon markat të navigojnë me saktësi në peizazhin digjital, duke ofruar përvoja të paharrueshme,” shton Darko Buldioski, një nga themeluesit dhe drejtori i programit të konferencës.
Si çdo vit tjetër, organizatorët ofrojnë bileta Super Early Bird për anëtarët më të përkushtuar. Këto bileta do të jenë në dispozicion për një kohë të kufizuar dhe në sasi të limituara online në allweb.digital së shpejti. Folësit e konfirmuar dhe të gjitha detajet e tjera janë të disponueshme në faqen zyrtare të konferencës.